Autism

 

Hun to  mai bhi usi seep ka moti,

fir kyu hai mujhe accept karne ke liye duniya ki soch itni choti,

tak-taki lagaye deewar dekhna ,

car se na khel kar car ke pahiye ghumana,

naam sun ne par jawab na dena pana,

muskurate  ko dekh kar na muskurane sab hi mera unique style tha,

fir kyu nahi kiya accept mujhe?

meri kuch awaaze repeat hona bother karta tha  unhe, lekin unka wo gana?

jazz, hip-hop, belly dancing nahi janta tha me, par rocking, flapping, or kudne me hi maza ata.

isliye logo ne keh diya ye to ABNORMAL hai,

 PAGAL NAHI THA ME BAS ALAG THA SOCIETY SE......

bohat mushkil lagta khudko samjhana,

routine bigadne par mano esa lagta brain storm hogya ho, 

khud ko smbhal nhi pata, fir kudt fir chillata, ya fir kuch zor zor se gungunata,

Hun to  mai bhi usi seep ka moti,

fir kyu hai mujhe accept karne ke liye duniya ki soch itni choti,

na pasand the log mujhe,

na pasand tha shor mujhe,

bright colors annoy karte,

literal words hi samajh aya karte, 

bohat alag thi apki duniya kab samjhegi muje , jab beet jayengi sadiya?

Log kehte pagal hai , bimar hai,

koi mere pas na ata, ye sab sunkar mujhe ghar par hi chupa diya jata,

society jesa na hone par society me na jane diya jata,

Tum school nahi jaoge, 

tum shadi nahi karoge,

sari zindagi dependent rahoge,

tum normal life nahi jee paoge,

tum hum jese kabhi nahi ban paoge,

Hun to  mai bhi usi seep ka moti,

fir kyu thi mujhe accept karne ke liye duniya ki soch itni choti.

Yahi sun sun kar bada hua me,

jab realise hua autism hai mujhe,

nahi ban sakta tumhare jesa,

nahi jee sakta ab ye normal life,

 par kabhi soch kar to dekho is society ne hi di mujhe ye abnormal life.

PAGAL NAHI HU BAS THODA ALAG HUN SOCIETY SE

 Harshita makkar